موجز حماك
أحمد عبد ربه، أستاذ العلوم السياسية بجامعة القاهرة في تدوينة مطولة له عبر حسابه الشخصي على موقع التواصل الاجتماعي “فيس بوك”: “اجتماع قمة العشرين بيقول حاجات كتير جدا.. دول العالم مجتمعة في ” تركيا.. “اوباما” و”بوتين” وباقي قادة العالم بيناقشوا مصير داعش وسورية. سيناء ورد ذكرها في العديد من التحليلات كمعقل لانصار داعش علي هامش حوارات القادة دوول بدون مزيد من التوضيحات حول ماذا يعنى هذا وان كان نقدر نخمن !”.
“باختصار شديد المكاسب الديبلوماسية اللي انت سعيت ليها وبدى لوهلة انك ممكن تحققها راح معظمها ! محاولة لعب دور ” عراب الحرب علي الاٍرهاب ” فشلت والعالم حرفيا بيتعامل معاك كمفعول به وليس كفاعل ،تجمع دول من الشرق والغرب والجنوب والشمال بيناقش علي مستويات ديبلوماسية و سياسية واقتصادية موضوعات انت حرفيا علي هامشها!”.
“دى مش مؤامرة لاسقاط مصر ولا إسقاط النظام في مصر زى مابيردد مجموعة المذعورين باسم الوطنية ، ده حصاد لسياسات الفهلوة والانفراد بالقرار وغياب الرؤية والتخطيط والاندفاع وراء شعارات الخمسينيات والسيتينيات وهدم الجبهة الوطنية وصنع الأعداء داخليا واقليميا”.
“الدول العشرين المجتمعة في تركيا دوول مش بالضرورة بيحبوا بعض او مش بيتأمروا علي بعض ، فضلا عن انهم مش معصومين من الأخطاء الداخلية او حتى الفساد ، لكن عندهم الحد الأدنى من الرشادة للتصرف علي أساس وطنى ( بتعريف الوطنية علي مستوى شعبى وقومى) وبيعرفوا امتى يضربوا وامتى يلاقوا “.
“خسارة مصر حاليا تخطت مسالة الديموقراطية / الديكتاتورية وحقوق الانسان والتعددية ، ووصلت الى مرحلة الشمولية البلهاء ، السياسات الفهلوية ، التصريحات العنترية ، والاخطر ان خلال الكام سنة اللي فاتوا اتكونت شبكات مصالح اصبح وجودها ومصيرها معتمد علي استمرار هذه الأوضاع البائسة باستخدام الصوت العالي وابتزاز المعارضين باسم الوطنية بكل أسف !”.
