وزير البيئة: الفوسفات له فوائد.. ونشطاء: خطبة الجمعة عن فضله

موجز حماك

تصريحات الدكتور خالد فهمي وزير البيئة المصري حول فوائد وضع الفوسفات في الماء، أثارت سخرية نشطاء موقع التواصل الاجتماعي “فيس بوك” الذين لم تعجبهم تلك التصريحات وحولوها لموضوع ساخر.

“Ahmed Uwk” معقباً على تلك التصريحات: “المشكلة مش فى الفوسفات لأنه فعلا مش خطر احنا اللى مكبرين الموضوع، المصيبة بقى إن الحكومة تحاسبنا عليه ويكتب فى فاتورة المية ٣٠ جنيه مية و١٠ جنيه فوسفات”، وقد نال تعليقه إعجاب أكثر من 90 شخصا.

“Hussein Fathi ” ساخراً: “خطبة الجمعة الجاية هتكون عن فضل الفوسفات فى الإسلام”! ولقى تعليقه إعجاب قرابة من 280 شخصًا.

“Ayat Ebrahem”: “يا جماعة خلونا نجرب الفوسفات لو عجبنا كان بها، لو معجبناش نقولهم يزودولنا شوية مجارى عليه هيبقى روعة، طبعا احنا مجربين مية المجارى من زمان ومتعودين عليها”.

“Tarek Godaa”: “لازم كلنا نشرب الفوسفات عشان نغيظ الإخوان”.

“داليا محمد محمد بدوي”: “طب والنبي امي بتسلم عليك وبتقولك اتوصى بالفوسفات شويتين”.

“Om Ar”: “يا جماعة محدش يخاف من الشرب من الحنفية لسبب بسيط الفوسفات دا في مية النيل.. واحنا بنشرب مية مجاري اطمنوا”.

“Neveen Farag” ساخرة من وزير البيئة: “هو الراجل دا أنصح واحد فى الوزارة ولا فيه أنصح منه، كتيير عليا كدا والله”.

“Hussien Mohamed” الوزير بالإفصاح عن أسماء تلك الدول: “طيب حضرتك ممكن تقول أسماء الدول دي وإيه هي فوائده وكمان ياريت تذكر نوع الفوسفات اللي غرق في النيل وخصائصه في ندوة علمية يكون فيه علماء يقدروا يردوا عليك وترد انت على أسئلتهم عشان الشعب يطمن على صحته، سيادة الوزير الموضوع خطير كفاية استخفاف بعقول المصريين”.

“Ặcc-Khặlêđ Mặhmőuđ”: “الفوسفات دا معدن وبقى في المية يعني احنا دلوقتي بنشرب مياه معدنية احنا أول دولة توصل المية المعدنية للشعب في الحنفية انتو بتقولوا إيه يا جماعة”.

الدكتور خالد فهمى وزير البيئة المصري تعليقًا على حادث غرق صندل نيلي محمل بـ500 طن فوسفات: عنصر الفوسفات لا يشكل أى خطورة على المياه.

“جميع المصريين يستطيعون شرب مياه النيل بلا أضرار، ومادة الفوسفات فى دول أخرى وخصوصًا دول أمريكا اللاتينية تلقى فى المياه لزيادة إثراء المياه لو ناقصها عنصر الفوسفات، وليس هناك مدعاة للقلق”.