موجز حماك
عاطف بطرس العطار، مؤسس مبادرة ميادين التحرير والمحاضر بجامعة مابورج بألمانيا، في تدوينة عبر صفحته الشخصية بموقع التواصل الاجتماعي “فيس بوك”: “على خلفية الكوارث المتتالية ممكن مثلًا نفكر نغير جو شوية. فمثلا يعني كفاية يحكمنا ظباط ونشوف طريقة ننتقل لحكم ديمقراطي حقيقي يعلي من الإدارة العلمية الحديثة لشؤن الدولة بعيد عن جو المؤامرات والكذب والكفتة وحرب الكواكب بتاع سويلم وأصحابه”.
” حكم ديمقراطي عادل يحارب الفساد بجد وينفتح على العالم مع الحفاظ على الإستقلالية ويكون مشروعه القومي هو الإنسان المصري وكرامته: التعليم والصحة والبيئة. حكم رشيد يخرجنا من حالة الإستقطاب ومن الجو الكابوسي البوليسي اللي إحنا عايشين فيه ده، يبحث عن حلول حقيقة يناقشها المتخصصون والمجتمع”.
“مجرد القناعة إنه مش لازم يحكمنا “ظابط” أو “دكر” دي في حد ذاتها مكسب كبير زي ما وصلنا لقناعة إن مش لازم اللي يحكمنا يكون عنده لحيه أو حافظ نصوص دينية بيبهرنا بترديدها. نحاول ننقل بقه نقلة تانية عشان نخرج. هو ده البديل وممكن تحقيقه لاننا نقدر ولأن معظمنا بيحب البلد دي فعلا ولأن عندنا من العقول والكوادر مايكفي. بس نفهم إحنا واقفين فين وعايزين نروح فين وبعدها نتوافق على الطريقة”.
